Press "Enter" to skip to content

അധ്യാപകന്റെ മൊബൈല്‍ ഫോണില്‍ പഠിപ്പിക്കുന്ന വിദ്യാര്‍ത്ഥിനികളുടെ നഗ്‌നചിത്രങ്ങള്‍; ലൈംഗികമായി ചൂഷണം ചെയ്തതായും റിപ്പോര്‍ട്ടുകള്‍

അധ്യാപകന്റെ മൊബൈല്‍ ഫോണില്‍ പഠിപ്പിക്കുന്ന വിദ്യാര്‍ത്ഥിനികളുടേതുള്‍പ്പെടെ നഗ്‌നചിത്രങ്ങളും നഗ്‌നവീഡിയോകളും ഫോണില്‍ സൂക്ഷിച്ചതിന് സര്‍ക്കാര്‍ സ്‌കൂള്‍ അധ്യാപകന്‍ അറസ്റ്റില്‍. ഫോണ്‍ ശരിയാക്കാന്‍ കടയില്‍ നല്‍കിയപ്പോഴാണ് ഇയാളുടെ കൈവശം തന്റെ ശിഷ്യരുടേതുള്‍പ്പെടെ നഗ്‌നചിത്രങ്ങളുണ്ടെന്ന് വ്യക്തമായ മെക്കാനിക്ക് ഇക്കാര്യം നാട്ടുകാരെ അറിയിക്കുകയും നാട്ടുകാര്‍ പോലീസില്‍ വിവരം അറിയിക്കുകയുമായിരുന്നു. അയല്‍വാസികളായ സ്ത്രീകള്‍ കുളിക്കുന്ന രംഗങ്ങളും ഇയാളുടെ ഫോണിലുണ്ടായിരുന്നു.

തമിഴ്‌നാട്ടിലെ തിരുനെല്‍വേലിയിലാണ് സംഭവം. ആന്തണിസ്വാമി (45) എന്നയാളാണ് അറസ്റ്റിലായത്. ഇയാള്‍ നേരത്തെ ജോലി ചെയ്തിരുന്ന സ്‌കൂളിലെ വിദ്യാര്‍ത്ഥിനികളുടെ നഗ്‌നചിത്രങ്ങളടക്കം ഫോണിലുണ്ടായിരുന്നു. പനഗുഡിയിലെ ഒരു സ്‌കുളില്‍ ഇയാള്‍ ആറ് വര്‍ഷത്തോളം താല്‍ക്കാലികാടിസ്ഥാനത്തില്‍ ജോലി ചെയ്തിരുന്നു. പനഗുഡിയിലെ സ്‌കൂള്‍ വിദ്യാര്‍ത്ഥിനികളുടെ ചിത്രങ്ങളടക്കം ഇയാളുടെ ഫോണില്‍ നിന്ന് കണ്ടെത്തിയിട്ടുണ്ട്. പിന്നീട് സര്‍ക്കാരില്‍ സ്ഥിരം നിയമനം കിട്ടിയപ്പോള്‍ ഇവിടുത്തെ ജോലി ഉപേക്ഷിക്കുകയായിരുന്നു.

നഗ്‌നചിത്രങ്ങള്‍ പകര്‍ത്തിയ പെണ്‍കുട്ടികളെ ഇയാള്‍ ലൈംഗികമായി ചൂഷണം ചെയ്തതായും റിപ്പോര്‍ട്ടുകള്‍ പുറത്തുവന്നിട്ടുണ്ട്. ഇയാള്‍ക്കെതിരെ വിവിധ വകുപ്പുകള്‍ പ്രകാരം പോലീസ് കേസെടുത്തു. അതേസമയം പോക്‌സോ നിയമം ചുമത്തിയിട്ടില്ല. ചൂഷണത്തിനിരയായ പെണ്‍കുട്ടികള്‍ പരാതി നല്‍കാന്‍ തയ്യാറാകാത്തതിനാലാണ് പോക്‌സോ ചുമത്താത്തത്.

More from NationalMore posts in National »

Be First to Comment

Leave a Reply

Your email address will not be published. Required fields are marked *